અમરેલી,
અમરેલી શહેરના હાર્દ સમા વિસ્તાર સ્ટેશન રોડ પર આવેલ અને ગુજરાત હાઉસીંગ બોર્ડ દ્વારા વર્ષો પહેલા બનાવવામાં આવેલ એમ.આઇ.જી. પ્રકારના આવાસો ખુબ જ જર્જરીત અને જોખમી બની ગયેલ. લાંબા સમયથી આ આવાસોના ધારકોની માંગણી હતી કે આ સ્કીમમાં રિડેવલોપ મેન્ટ માં લઇ જઇને નવા આવાસોનું બાંધ કામ થાય આ બાબતની રજુઆત અમરેલીના ધારાસભ્યને કરવામાં આવેલ. ધારાસભ્યશ્રીએ આ બાબતે રજુઆત કરતા આ સ્કીમનોરિડેવલોપમેન્ટ પ્લાન મંજુર થતા રૂપિયા સાડા પાંચ કરોડના ખર્ચે નવા આવાસો બનશે અને આવાસ ધારકોની લાંબા સમયની માંગણી સંતોષાશે. રિ ડેવલોપમેન્ટની આ સ્કીમનું ટેન્ડર પણ બહાર પડી ગયેલ હોય, આગામી દિવસોમાં આ આવાસ નું બાંધકામ પુર્ણ થશે.ગુજરાત હાઉસીંગ બોર્ડ સોસાયટીના રહીશો તેમજ 48 એમ આઇજીના પ્રમુખશ્રી તેમજ રેખાબેન શિંગાળા તેમજ તેમ ની કમિટીના સભ્યો અને વોર્ડ નંબર 3 ના સભ્યો તથા પીન્ટુભાઇ દ્વારા ધારાસભ્ય શ્રી કૌશિકભાઇ વેકરિયાને રજુઆત કરવામાં આવેલ. જેનું સુખ દ નિરાકરણ થતા અને લોકોની માંગણી સરકાર દ્વારા સંતોષવામાં આવતા 48 એમઆઇજી સોસાયટીના પ્રમુખશ્રી તેમજ તમામ રહીશો દ્વારા કૌશિક ભાઇ વેકરીયા નો આભાર વ્યક્ત કરાયો
