અમરેલી શાંતાબા મેડીકલ કોલેજ અને જનરલ હોસ્પીટલની મુલાકાતે કેન્દ્રનાં કેબીનેટ મંત્રી શ્રી પરશોતમભાઈ રૂપાલા

અમરેલી,

કેબીનેટ મીનીસ્ટર શ્રી પરશોતમભાઈ રૂપાલાએ ઐતિહાસિક મુલાકાત લઇશાંતાબા મેડીકલ કોલેજ અને જનરલ હોસ્પિટલનાં પ્રણેતા શ્રી વસંતભાઈ ગજેરાનાં સેવાન્વીત કાર્યોને બિરદાવ્યા.શ્રી રૂપાલાનું અદકેરું સ્વાગત કરતા શ્રી વસંતભાઈ ગજેરાએ સ્નેહનાં પુષ્પોથી તેઓશ્રીના આગમનને હૃદયસ્થ વધાવ્યું હતું. જરૂરીયાતમંદ દર્દીઓની અવિરત આરોગ્યલક્ષી સેવાઓ પુરી પાડતી શાંતાબા મેડીકલ કોલેજ અને જનરલ હોસ્પિટલ અમરેલી જિલ્લાના લોકો માટે આર્શિવાદ સ્વરૂપી લેખાશે. શાંતાબા મેડીકલ કોલેજ અને જનરલ હોસ્પિટલ અમરેલી નાં વિવિધ વોર્ડસની મુલાકાત લઈ ડોક્ટર્સ તથા સ્ટાફની સહાનુભૂતિ ભર્યા વ્યવહારથી પ્રભાવી બન્યા હતા. શ્રી વસંતભાઈ ગજેરાની નિશ્રા એવમ માર્ગદર્શન તળે કાર્યાન્વીત શાંતાબા મેડીકલ કોલેજ અને જનરલ હોસ્પિટલ અમરેલી, જિલ્લાનાં લોકોમાં આરોગ્યલક્ષી સેવામાં અગ્રેસર રહે તેવી શુભેચ્છા પાઠવતા યાદગાર ક્ષણોનો અનેરો આનંદ વ્યકત કર્યો હતો.