આત્મનિર્ભર બજેટમાં મોદી સરકારનો ચૂંટણીલક્ષી સ્ટ્રોક

  • ચૂંટણીવાળા અસમ,તમિલનાડુ,પશ્ર્ચિમ બંગાળ પર ઓળઘોળ મોદી સરકાર
  • બંગાળ,તમિલનાડુ અને કેરળમાં આર્થિક કોરિડોર બનશે: નિર્મલા સીતારમણ

 

કેન્દ્રિય નાણાંપ્રધાન નિર્મલા સિતારમણે નાણાંકીય વર્ષ ૨૦૨૧-૨૨ માટેનું અંદાજપત્ર રજૂ કર્યું હતું. જેમાં તેમણે કેટલીક એવી જાહેરાતો કરી હતી કે જે પ્રથમવાર જ અમલમાં આવી રહી હોય. આ વર્ષે કોરોનાને કારણે પેપરલેસ અંદાજપત્ર રજુ કરાયું હતું. દર વર્ષે નાણાં પ્રધાન બ્રિફકેસમાં અંદાજપત્ર લઈને સંસદમાં પ્રવેશતા હોય છે. પરંતુ પેપરલેસ બજેટ રજુ કરવા માટે નાણાં પ્રધાન નિર્મલા સિતારમણ, બ્રિફકેસના બદલે ટેબ્લેટ સાથે સંસદમાં પ્રવેશ્યા હતા.

જોવામાં આવે તો આ બજેટ સામાન્ય માણસનું નહોતું. સામાન્ય માણસને રાહત થાય તે માટે કોઈ જાહેરાત કરવામાં આવી ન હતી. ઉલ્ટું, બધી વસ્તુઓ પર કસ્ટમ ડ્યુટી અને સરચાર્જને લીધે મોબાઈલ સહિતની ઘણી ચીજો પણ મોંઘી થઈ રહી છે. આ બજેટ સામાન્ય લોકો માટે નિરાશાજનક હતું.

સિતારમને કહૃાું કે કોરોના વાયરસ મહામારી સામે લડવા માટે  સરકારે વર્ષ ૨૦૨૦માં ૩૦ લાખ કરોડ રૂપિયાના ૫ મિની બજેટ રજૂ કર્યા હતા. નાણામંત્રીએ સામાન્ય લોકોને રસ પડે એવી જે જાહેરાત કરી છે તેમાં એલઆઇસીનો IPO આ વર્ષમાં બજારમાં આવશે તેની છે. કોરોના મહામારીના સમયમાં જયારે લોકો આર્થિક રીતે પડી ભાંગ્યા હતા ત્યારે મૂડીબજારમાં પ્રવેશેલી અનેક કંપનીઓના IPOમાં લોકોએ રોકાણ કરીને તગડી કમાણી કરી હતી. શેરબજાર વિશે નહીં જાણનારા લોકો પણ હવે IPOમાં રસ દાખવતા થયા છે.

નાણામંત્રીએ કહૃાું કે વર્ષ ૨૦૨૧-૨૨માં દેશની સૌથી મોટી જીવન વીમા સંસ્થા ભારતીય જીવન વિમા નિગમ ( એલઆઇસી) પોતાનો IPO લાવશે. આ બાબતે એલઆઇસી અધિનિયમ સાથે જોડાયેલા બદલાવ ચાલૂ સંત્રમાં રજૂ કરવામાં આવી શકે છે.સાથે નાણામંત્રીએ જાહેરાત કરી કે ભારત પેટ્રોલિયમ, એર ઇન્ડિયા, કોનકોર અને શિિંપગ કોર્પોરેશન ઓફ ઇન્ડિયાના વ્યુહાત્મક વેચાણ પણ આગામી નાણાંકીય વર્ષમાં પુરા થશે. આ યોજનાનો અમલ નીતી આયોગ કરશે એમ નાણામંત્રીએ કહૃાું હતું.

નાણામંત્રીએ પોતાના બજેટ ભાષણમાં કહૃાું કે બે જાહેર ક્ષેત્રની બેંકો અને એક જનરલ વીમા કંપનીનું પણ ખાનગીકરણ કરવામાં આવશે. જો કે નાણામંત્રીએ કઇ જાહેર ક્ષેત્રની બેંક અને કઇ જનરલ વીમા કંપનીનું ખાનગીકરણ કરશે તે બાબતે ફોડ પાડયો નહોતો. નાણામંત્રીએ શેરબજાર માટે  માત્ર એક સિકયોરીટી માર્કેટ કોડ રજૂ કરવાની જાહેરાત કરી.

નાણામંત્રી નિર્મલા સીતારમણે જાહેરાત કરી છે કે, વીમા ક્ષેત્રમાં ૭૪ ટકા FDI થઇ શકશે. પહેલા વીમા સેક્ટરમાં FDI ૪૯ ટકા જ થતી હતી. આ સિવાય રોકાણકારો માટે ચાર્ટર બનાવવાની જાહેરાત કરી છે. નાણામંત્રી નિર્મલા સીતારમણે  સ્ટાર્ટ અપ કંપની માટે જાહેરાત કરી છે. જેના હેઠળ એક ટકા કંપનીને રોકટોક વિના શરૂઆતમાં કામ કરવાની મંજૂરી મળશે

આ બજેટમાં સરકારે હેલ્થ અને ઈન્ફ્રાસ્ટ્રક્ચર પર ખાસ્સું ધ્યાન આપ્યું છે, પરંતુ જેની આતુરતાથી રાહ જોવાઈ રહી હતી તેવી આઈટી સ્લેબમાં ફેરફાર તેમજ ૮૦ઝ્ર હેઠળ મળતી છૂટનો કોઈ ઉલ્લેખ પણ ના કરી નાણાંમંત્રીએ મધ્યમ વર્ગને નિરાશ કર્યો છે. જો આ રાહત મળી હોત તો અર્થતંત્રમાં વધુ રુપિયો ફરતો થવાની શક્યતા હતી, પરંતુ નાણાંમંત્રીએ પગારદાર વર્ગને રાહત આપવાનું ટાળ્યું છે. જોકે, પેન્શન અથવા વ્યાજની આવક પર નભતા ૭૫ વર્ષથી વધુ વયના નાગરિકોને ટેક્સ ભરવામાંથી મુક્તિ આપવામાં આવી છે.

એક તરફ, પેટ્રોલ અને ડીઝલના ભાવ સરકારના આકરા કરવેરાને કારણે હાલ આસમાને પહોંચ્યા છે, તેવામાં તેમાં કોઈ રાહત આપવાને બદલે નાણાંમંત્રીએ પેટ્રોલ પર રુ. ૨.૫૦ અને ડીઝલ પર રુ. ૪નો ફાર્મ સેસ લેવાની દરખાસ્ત કરતાં પેટ્રોલ-ડીઝલના ભાવ ઓર વધે તેવી શક્યતા છે.

કેન્દ્રીય નાણામંત્રી નિર્મલા સીતારમન સોમવારે સંસદમાં પોતાનું ત્રીજું બજેટ રજૂ કરી રહૃાા હતા ત્યારે ખેડુતો વિશેની એક લાઇન પર વિપક્ષોએ પસ્તાળ પાડીને ભારે હંગામો મચાવી દીધો હતો. નાણામંત્રીએ જયારે બજેટની રજૂઆતમાં કહૃાું કે સરકાર ખેડુતો પ્રત્યે કટીબધ્ધ છે એની સાથે જ વિપક્ષના નેતાઓએ લોકસભામાં હંગામો મચાવી દીધો હતો અને નારેબાજી કરવા માંડી હતી. વિપક્ષોનો વિરોધ ધારધાર હતો કે નાણામંત્રીએ પોતાનું બજેટ ભાષણ થોડા સમય માટે અટકાવવું પડ્યું હતું.નાણામંત્રીએ આ વખતે પહેલીવાર પેપરલેસ એટલે કે ડીજીટલ બજેટ રજૂ કર્યું હતું.

નાણામંત્રી નિર્મલા સીતારમને ખેડુતો વિશે સરકાર કટીબધ્ધ હોવાની વાત કરતા વિપક્ષોએ કૃષિ કાનુન વાપસ લો ના નારા લગાવીને લોકસભાને ગજવી નાંખી હતી. હંગોમાં વધવાને કારણે નાણામંત્રીએ પોતાનું બજેટ ભાષણ અટકાવવું પડ્યું હતુ.

નાણામંત્રીએ કહૃાું હતું કે અમે લોકડાઉન સમાપ્ત થયા પછી સરકારી ખર્ચ વધાર્યો છે. ૨૦૨૦-૨૧માં ૩૦.૪૨ લાખ કરોડના સરકારી ખર્ચનો અંદાજ છે, જે વધીને ૩૪.૫ લાખ કરોડ થશે. ૨૦૨૧માં રાજકીય ખાધ GDPના ૯.૫% છે. એની ભરપાઈ માટે અમને ૮૦ હજાર કરોડ રૂપિયા વધારે જોઈએ. એ માટે અમને બજાર પાસેથી અપેક્ષા છે. ૨૦૨૧-૨૨માં ૩૪.૮૩ લાખ કરોડના સરકારી ખર્ચનો અંદાજ છે. ૨૦૨૧-૨૨માં રાજકીય કાધ GDPના ૬.૮ ટકા રહેવાનો અંદાજ છે. ૨૦૨૫-૨૬ સુધી એ ઘટાડીને ૪.૫ ટકા કરવાનો અંદાજ છે. કન્ટિજન્સી ફંડને ૫૦૦ કરોડથી વધારીને ૩૦ હજાર કરોડ રૂપિયા સુધીની જોગવાઈ કરવામાં આવી છે.