એક્ટર મનીષ પોલ કોરોના પોઝિટિવ

વરૂણ ધવન અને કિયારા અડવાણીની ફિલ્મ ’જુગ જુગ જિયો’ની મુશ્કેલીઓ દિવસે દિવસે વધતી જાય છે. હાલમાં જ ખબર આવી છે કે, ફિલ્મની સ્ટાર કાસ્ટમાંથી વરૂણ ધવન, નીતૂ કપૂરનો કોરોના રિપોર્ટ પોઝિટિવ આવ્યો છે. જે ઉપરાંત ફિલ્મનાં ડિરેક્ટર રાજ મેહતા પણ કોરોના પોઝિટિવ આવ્યો છે. ત્રણેયનો રિપોર્ટ પોઝિટિવ આવ્યો છે. એવામાં ફિલ્મની શૂટિંગ રોકવી પડી છે. હવે સમાચાર છે કે, જુગ જુગ જિયોની સ્ટારકાસ્ટમાંથી એક વધુ એક્ટર કોરોના પોઝિટિવ આવ્યો છે.

હવે એક્ટર મનીષ પોલની કોરોના રિપોર્ટ પોઝિટિવ આવ્યો છે. કહેવામાં આવે છે કે, મનીષ પોલની કોરોના રિપોર્ટ અંગે માલૂમ થયું તે શૂટિંગ સેટથી પરત મુંબઇ આવી ગયો છે. જોકે, હજુ સુધી મનીષ પોલ કે તેની ટીમ તરફથી આ અંગે કોઇ પ્રતિક્રિયા આપવામાં આવી નથી. મનીષ પોલે હાલમાં પોતાને કોરન્ટિન કરી લીધો છે. નીતૂ કપૂર અને ડિરેક્ટર રાજ મેહતા બાદ મનિષ પોલ આ ફિલ્મનો ચોથો વ્યક્તિ છે જે કોરોના સંક્રમિત થયો છે.