‘યારિયા ફેમ એક્ટર હિમાંશ કોહલી લોકડાઉન પહેલાં જ પરિવાર સાથે દિલ્હીમાં છે. હિમાંશ ભલે ફિલ્મો કે ટીવી શોમાં દૃેખાતો નથી પણ તે સોશિયલ મીડિયાની મદદથી લોકોને એન્ટરટેઈન કરી રહૃાો છે. હાલમાં તેણે પોતાના ઇન્સ્ટાગ્રામ પેજ પર ચાહકોને જાણકારી આપી છે કે, કોરોના મહામારી મારા ઘર સુધી પહોંચી ગઈ છે. તેના ઘરના મેમ્બરમાં કોરોનાનાં માઈલ્ડ લક્ષણો દૃેખાયા હતા, ત્યારબાદ કોરોના ટેસ્ટમાં ઘરના ત્રણ મેમ્બર કોરોના પોઝિટિવ હોવાની ખબર પડી છે. હાલ દરેક સભ્યો ઘરમાં સેલ્ફ ક્વોરન્ટીન છે.
હિમાશે લખ્યું કે, છેલ્લા ૨ દિવસથી મારી માતા, પિતા અને બહેન દિશામાં વાઈરલ ઇન્ફેક્શનના લક્ષણો દૃેખાયા હતા અને માઈલ્ડ તાવ હતો. હાલમાં અમે કોરોનાનો ટેસ્ટ પણ કરાવ્યો હતો તેમાં માતા, પિતા અને બહેનનો કોવિડ-૧૯ રિપોર્ટ પોઝિટિવ આવ્યો છે અને હું નેગેટિવ છું. અમે લોકો હોમ ક્વોરન્ટીન છીએ અને બધા પ્રકારની સાવધાની રાખી રહૃાા છીએ. મદદ અને સલાહ માટે અમે સરકારી ઓથોરિટીના આભારી છીએ.
જે લોકો આપણને સુરક્ષિત રાખવા માટે મહેનત કરી રહૃાા છે તે બધાને સલામ. મને આશા છે કે આપણે જલ્દી રિકવર થઇ જઈશું. મને તમારી પ્રાર્થના અને પ્રેમની જરુર છે. હિમાંશ કોહલીએ વર્ષ ૨૦૧૪માં ફિલ્મ ‘યારિયાથી બોલિવૂડમાં ડેબ્યુ કર્યું હતું. પ્રથમ ફિલ્મમાં જ એક્ટરે દર્શકોને દિવાના બનાવી દીધા છે. આ ઉપરાંત તે ઘણા હિટ મ્યુઝિક વીડિયોમાં પણ સામેલ થયો છે. સિંગર નેહા કક્કર સાથે બ્રેકઅપ પછી હિમાંશ કોહલી ચર્ચાઓમાં આવ્યો હતો.
