કપૂર પરિવાર ગણપતિના દર્શન કરવા ભેગો થયો

  • તૈમૂર લાડુ ખાવામાં વ્યસ્ત જોવા મળ્યો
  • કપૂર પરિવાર દરેક સેલિબ્રેશન ભારે હર્ષ ઉલ્લાસથી કરે છે, આ વર્ષે પણ તેમના ત્યાં ગણપતિનું સ્થાપન કરાયું છે

દર વર્ષની જેમ આ વર્ષે પણ કપૂર પરિવારમાં ગણપતિ ભગવાનનું સ્થાપન કરવામાં આવ્યું છે. જો કે, આ વર્ષે કોરોના મહામારીના કારણે ઉજવણી મર્યાદિત રખાઈ હતી. શનિવારે કપૂર પરિવારના સભ્યો બાપ્પાના દર્શન કરવા માટે એકત્ર થયા હતા. જેની તસવીરો સોશિયલ મીડિયા પર વાયરલ થઈ રહી છે. કરિશ્મા કપૂર અને કરિના કપૂર ખાને ગણપતિ દર્શનની તસવીરો પોતપોતાના સોશિયલ મીડિયા અકાઉન્ટ પર શેર કરી છે. તસવીરોમાં રણધીર કપૂર, બબીતા કપૂર, કરિશ્મા કપૂર અને તેના બંને બાળકો, પ્રેગ્નેન્ટ કરિના કપૂર ખાન અને તૈમૂર, અરમાન જૈન અને પત્ની અનિસા મલ્હોત્રા, આદર જૈન અને રીમા જૈન સહિતના સભ્યો જોવા મળે છે. ગણપતિ બાપ્પાના આશીર્વાદ લેવા આવેલા કપૂર પરિવારના સભ્યો ટ્રેડિશનલ અવતારમાં જોવા મળ્યા હતા. કરિશ્માએ શેર કરેલી તસવીરમાં તૈમૂર માસીના બાળકો સાથે ભગવાન ગણેશને પગે લાગતો જોવા મળે છે. આ તસવીરો શેર કરતાં કરિશ્માએ લખ્યું, ’ગણપતિ દર્શન. ફેમિલી ટાઈમ. માત્ર કરિશ્મા જ નહીં કરિનાએ પણ તસવીરો શેર કરી છે. જેમાં નાનકડો તૈમૂર નાના-નાની સાથે બેઠેલો જોવા મળે છે. પાછળ કરિશ્માના બાળકો છે. તસવીરમાં તૈમૂરના હાથમાં લાડુનો પ્રસાદ પણ જોવા મળી રહૃાો છે. કરિનાના ફોઈ રીમા જૈન સાથે ફોટો પડાવી રહેલો તૈમૂર પીળા કૂર્તામાં ક્યૂટ લાગે છે. તૈમૂરની અન્ય તસવીરો પણ તેના મામાઓ અરમાન અને આદર જૈને શેર કરી છે. આ તસવીરોમાં પણ તૈમૂરના હાથમાં લાડુ જોવા મળી રહૃાા છે. લાગે છે કે તૈમૂરે ગણપતિ બાપ્પા પાસેથી આશીર્વાદ લઈને મન ભરીને લાડુ ખાધા છે! તૈમૂરની આ ક્યૂટ તસવીરો દિલ જીતી લે તેવી છે. જણાવી દઈએ કે, કરિના અને સૈફે હાલમાં જ જાહેરાત કરી હતી કે તેઓ બીજી વખત પેરેન્ટ્સ બનાવાના છે. થોડા દિવસ પહેલા મોમ-ટુ-બી કરિના કપૂર ખાન પોતાની બેસ્ટફ્રેન્ડ્સ મલાઈકા અરોરા, અમૃતા અરોરા અને અન્યોને મળી હતી. કોવિડ-૧૯ લોકડાઉનના કારણે ઘણા દિવસો સુધી ફ્રેન્ડ્સથી દૃૂર રહૃાા બાદ કરિનાએ તેમની સાથે મુલાકાત કરી હતી.