- ઉપરવાસમાં ભારે વરસાદને કારણે નર્મદા ડેમની સપાટીમાં થયો વધારો
ઉપરવાસમાં ભારે વરસાદને પગલે નર્મદા ડેમમાં પાણીની જળ સપાટીમાં ધરખમ વધારો થયો છે. હાલ ૨.૨૪ લાખ ક્યુસેક પાણીની આવક થઇ છે. છેલ્લા ૧૨ કલાકમાં નર્મદા ડેમની સપાટીમાં ૧.૪ મીટરનો વધારો થયો છે. જેને પગલે ડેમની સપાટી વધીને ૧૨૬.૮૯ મીટરે પહોંચી ગઇ છે. ડેમની મહત્તમ સપાટી ૧૩૮.૬૮ મીટરની છે. ડેમમા હાલ ૨૦૫૨ એમસીએમ લાઈવ સ્ટોરેજ પાણીનો જથ્થો છે. સરદાર સરોવર નર્મદા ડેમની સપાટીમાં સતત વધારો થઇ રહૃાો છે. હાલ ૨૦૫૨ એમસીએમ લાઈવ સ્ટોરેજ પાણીનો જથ્થો ઉપલબ્ધ છે.
વીજ ઉત્પાદન હજી પણ બંધ છે. નર્મદા જિલ્લામાં વરસાદની વાત કરીએ તો પાંચેય તાલુકામાં સાર્વત્રિક વરસાદ વરસ્યો છે. સૌથી વધુ ડેડીયાપાડામાં ૪.૫ ઇંચ વરસાદ નોંધાયો છે. નાંદૃોદમાં ૧ ઇંચ, ગરુડેશ્ર્વરમાં ૨૨ મિમી, તિલકવાડામા ૧ .૧ ઇંચ, સાગબારામાં ૩.૫ ઇંચ વરસાદ નોંધાયો છે. અત્યાર સુધી જિલ્લામાં સરેરાશ ૫૪ ટકા વરસાદ પડ્યો છે. કરજણ ડેમમાં ઉપરવાસમાંથી પાણીની આવકમાં વધારો થયો છે. હાલ ઉપરવાસમાંથી ૧૮,૯૪૭ ક્યુસેક પાણીની આવક થઇ છે. હાલ ડેમની સપાટી ૧૧૦.૧૧ મીટર પર પોંહચી છે. ડેમમાં લાઈવ પાણીનો જથ્થો ૩૭૪.૧૭ એમસીએમ છે. કરજણ ડેમના ૫ ગેટ ખોલાયા છે. હાલ કરજણ નદીમાં ૪૦,૪૯૫ ક્યુસેક પાણી છોડવામાં આવી રહૃાું છે. હાઇડ્રો પાવારના ૨ યુનિટ ચાલુ છે.
હાલ વિજઉત્પાદન થઈ રહૃાું છે. નર્મદા જિલ્લાના તાલુકામાં ૧૦થી વધુ એમ ૫૦થી વધુ ઉંડા તળાવો કર્યા હતા. સાગબારા માલ સમોટ વિસ્તારમાં ૬, નાંદૃોદમાં ૧૦, ગરુડેશ્ર્વરમાં ૫ જેમાં મહુડીપાડા, સનાદરા, જૂનાઘંટામાં ૩, હાંડી ૨, ધોચકી ૨, છટવાડા ૨, મોટા તળાવો બનાવ્યાં હતા. આ તળાવો પહેલા વરસાદે જ અડધા ભરાયા પણ એકાદ બે તળાવમાં પાળી નબળી હોય તૂટી જતા પાણી વહી ગયું પણ બાકીના તમામ તળાવોથી ગામનું ભૂગર્ભ જળ એકદમ વધી ગયું છે. નર્મદામાં ધોધમાર વરસાદથી તમામ તળાવો છલકાઈ ઉઠ્યા છે. જેનો સીધો લાભ ગ્રામજનોને મળી રહૃાો છે.
- વહેલી સવારથી જ રાજ્ય ૨૫૧ તાલુકામાં ભારેથી મધ્યમ વરસાદ
ભારે વરસાદની આગાહી વચ્ચે આજે વહેલી સવારથી જ રાજ્ય ૨૫૧ તાલુકામાં ભારેથી મધ્યમ વરસાદ નોંધાયો છે. દક્ષિણ ગુજરાત, સૌરાષ્ટ્ર બાદ હવે ઉત્તર ગુજરાતમાં બારે મેઘ ખાંગા થયા છે. ઉત્તર ગુજરાતના તમામ ૫૧ તાલુકામાં ધોધમાર વરસાદ વરસ્યો છે. સવારના ૬ વાગ્યાથી સાંજના ૬ વાગ્યા સુધીમાં રાજ્યના ૨૨ તાલુકામાં ૪થી ૧૧ ઇંચ સુધી, ૭૩ તાલુકામાં ૨થી ૪ ઇંચ સુધી, ૬૮ તાલુકામાં ૧થી ૨ ઇંચ સુધી અને ૮૮ તાલુકામાં ૧ ઇંચ કરતા ઓછો વરસાદ નોંધાયો છે.
રાષ્ટ્ર-કચ્છ બાદ હવે ઉત્તર ગુજરાતમાં ભારેથી અતિભારે વરસાદ પડી રહૃાો છે. મહેસાણા જિલ્લામાં હાલ ધોધમાર વરસાદ પડી રહૃાો છે, ઉંઝા સહિતના અનેક વિસ્તારોમાં વરસાદી પાણી ભરાયા છે. મહેસાણા જિલ્લામાં બીજા દિવસે પણ મેઘ મહેર યથાવત છે. આજે સવારથી વરસાદના કારણે ગાંધીચોક, વાડીપરા ચોક, કન્યા છાત્રાલય, વ્યાપાર ભવન, ઐઠોર ચોકડી વિસ્તારો પાણી પાણી થયા છે.
પાટણ જિલ્લામાં પણ સાર્વત્રિક વરસાદ પડી રહૃાો છે. પાટણ જિલ્લાના રાધનપુર સહિત અનેક તાલુકામાં વરસાદ છે. જિલ્લાના નીચાણવાળા વિસ્તારમાં પાણી પાણી જોવા મળી રહૃાું છે. જિલ્લાના એક રેલવે ગરનાળામાં ટ્રેક્ટર ફસાતા રેસ્ક્યું કરવામાં આવ્યું છે. પાટણ જિલ્લામાં અવિરત વરસાદના પગલે શહેરમાં સતત ચોથા દિવસે પણ મેઘ મહેર યથાવત છે. પાટણ શહેરના આનંદ સરોવર વિસ્તાર ભયજનક સ્થિતિમાં જોવા મળી રહૃાો છે. જિલ્લાના રાઘનપુરમાં ભારે પવન સાથે ઘોઘમાર વરસાદ છે. અનેક નિચાણવાળા વિસ્તારોમાં પાણી ભરાયા છે.
- સાબરમતી નદીમાં પૂરની સ્થિતિ સર્જાવાની શક્યતાને પગલે એલર્ટ જારી કરાયું
ઉપરવાસમાં વરસાદના કારણે ધરોઈ ડેમમાં નવા નીરની આવક થઈ છે. જેથી સાબરમતી નદીમાં પૂરની સ્થિતિ ઉભી થઈ શકે છે. ત્યારે શહેરના જમાલપુર, એલિસબ્રિજ, પાલડી, વાડજ અને ગ્યાસપુર સહિતના નિચાણવાળા વિસ્તારમાં રહેતા લોકોને એલર્ટ કરાયા છે. ઉલ્લેખનીય છે કે ગુજરાત માટે આગામી ૨૪થી ૩૬ કલાકમાં અતિભારે વરસાદ વરસી શકે છે. હવામાન વિભાગે આગામી ૨૪ કલાક માટે ગુજરાત માટે રેડ એલર્ટ આપ્યું છે.
કેટલાક સ્થળોએ ભારેથી અતિભારે વરસાદ ખાબકી શકે છે. જ્યારે કે ૨૫ તારીખ એટલે કે મંગળવારે સૌરાષ્ટ્ર માટે ઓરેન્જ એલર્ટ આપ્યું છે. હવામાન વિભાગના જણાવ્યા પ્રમાણે પૂર્વ રાજસ્થાન પર લો પ્રેશર સક્રિય છે..જે આગામી બે દિવસ સુધીમાં નબળુ પડીને પૂર્વ દિશામાં આગળ વધશે. જેની અસર હેઠળ ઉત્તર ગુજરાત અને કચ્છના વિસ્તારોમાં અતિભારે વરસાદની સંભાવના છે.
ચોમાસાની ધરી પણ મધ્યભારતમાંથી લઇને બંગાળની ખાડી સુધી સક્રિય છે. જો કે ૨૫ ઓગષ્ટ બાદ રાજ્યમાં વરસાદની તિવ્રતામાં ઘટાડો જોવા મળશે.. પરંતુ ૨૪ ઓગષ્ટે બંગાળની ખાડીમાં વધુ એક લો પ્રેશર સિસ્ટમ સર્જાવાની હવામાન વિભાગે આગાહી કરી છે.. જેથી ૨૭ ઓગષ્ટ બાદ ગુજરાતમાં ફરી મેઘરાજાની પધરામણી થઇ શકે છે.
