ચીનના રાષ્ટ્રપતિ શી જિનિંપગના સ્વાસ્થ્યને લઇ અટકળોનું બજાર ગરમ છે. બુધવારના રોજ હોંગકોંગની નજીક શેન્જેનમાં એક કાર્યક્રમ દરમ્યાન ચીની રાષ્ટ્રપતિ વારંવાર ઉધરસ ખાતા દેખાયા. ભાષણની છેલ્લી ૧૦ મિનિટમાં એટલી બધી ઉધરસ આવવા લાગી કે પોતાનું ભાષણ થોડીકવાર માટે રોકવું પડ્યું. જો કે ત્યાંના સરકારી મીડિયાએ જિનિંપગના સ્વાસ્થ્યને લઇ કોઇ પણ રિપોર્ટ રજૂ કર્યો નથી. સરકારી ટીવી ચેનલ સીસીટીવી પર જિનપિગના ભાષણનું લાઇવ ટેલિકાસ્ટ કરાઇ રહૃાું હતું. જ્યારે તેમને ઉધરસ આવવા લાગી તો ટીવી ચેનલ વારંવાર તેમના ઉધરસવાળા વિઝયુલને કાપવાનું શરૂ કરી દીધું.
જો કે આ દરમ્યાન ઓડિયોમાં તેમની ઉધરસનો અવાજ સંભળાઇ રહૃાો હતો. એક આવા વિઝયુઅલ પણ દેખાયા જેમાં શી જિનિંપ પોતાના મોં પણ હાથ રાખી રહૃાા હતા. ઑડિયોમાં રાષ્ટ્રપતિ જિનિંપગ પોતાના ગળાને સાફ કરતા સંભળાયા. ત્યારબાદથી ઝડપથી અફવા ફેલાઇ રહી છેકે ચીની રાષ્ટ્રપતિ શી જિનિંપગ કોરોના વાયરસથી સંક્રમિત થઇ ચૂકયા છે. જો કે હજુ સુધી સત્તાવાર પુષ્ટિ થઇ શકી નથી. હોંગકોંગના લોકતંત્રની સમર્થન એપલ ટીવી એ પણ દાવો કર્યો કે જિનિંપગને ઉધરસ આવતા તેઓ પોતાનો પ્રવાસ ટૂંકાવીને તાબડતોડ બેઈજીંગ જતા રહૃાા છે. અપોક ટાઇમ્સે પોતાના રિપોર્ટમાં સીધો પ્રશ્ર્ન કર્યો છે કે શું ચીની રાષ્ટ્રપતિ શી જિનિંપગ કોરોનાથી સંક્રમિત છે? તેઓ દક્ષિણ ચીનના પ્રવાસ દરમ્યાન શેન્જેન પહોંચ્યા હતા.
અહીં તેમણે લોકોની વચ્ચે માસ્ક પહેર્યા વગર ફરતા દેખાયા હતા. જો કે આ દરમ્યાન તેઓ લોકો સાથે કેટલુંક અંતર રાખીને ઉભેલા દેખાયા હતા. ચીનમાં સત્તાવાર રીતે દરરોજ લગભગ ૧૦થી વધુ કોરોના વાયરસના કેસ નોંધાઇ રહૃાા છે. જોકે કેટલાંય નિષ્ણાતોને ચીનના આ આંકડા પર શંકા છે. ચીને પહેલી વખત પોતાનો વિકાસદર ઓછો થવાનું અનુમાન વ્યકત કર્યું છે. એવામાં શંકા વ્યકત કરાઇ રહી છે કે ચીન વાસ્તવિક આંકડાને છુપાવીને ખોટી માહિતી આપી રહૃાું છે.
