ચોટીલા,
ચોટીલા માં રાજવી પરિવાર સ્વ.દાદાબાપુ નાના બાપુ ખાચર ના પૌત્ર કુલજીતકુમાર મહાવીર કુમાર ખાચર ના શુભ લગ્ન રોયલ ફેમીલી ની રજવાડી પરંપરા મુજબ થયાં હતાં. આ પ્રસંગે પુર્વ મુખ્યમંત્રી વિજયભાઇ રૂપાણી સહિત ગુજરાત ના ઝાલાવાડ , સૌરાષ્ટ્ર અને રાજસ્થાન ના અનેક શહેરો ના રાજવીઓ ખાસ ઉપસ્થિત રહ્યાં હતાં. જ્યારે પરદેશ માં થી પણ અનેક મહાનુભાવો એ લગ્ન પ્રસંગે ખાસ હાજરી આપી હતી. ચોટીલા માં રાજવી પરિવાર ના મહાવીર કુમાર દાદાબાપુ ખાચર ના જ્યેષ્ઠ પુત્ર કુલજીત કુમાર ખાચર ના લગ્ન આ રોયલ ફેમીલી ની વર્ષો જુની રાજવી પરંપરા મુજબ યોજાયાં હતાં ત્યારે આ લગ્ન માં દેશ પરદેશ ના મહાનુભાવો સહિત ગુજરાત , રાજસ્થાન ના રાજવી પરિવારો , પુર્વ મુખ્યમંત્રી વિજયભાઇ રૂપાણી , પ્રદેશ યુવા ભાજપ મંત્રી જય શાહ , વિવિધ સરકારી વિભાગો ના ક્લાસ વન ક્લાસ ટુ અધિકારી ઓ , કોર્પોરેટ જગત ના માંધાતા ઓ , ચોટીલા ના નગરજનો , સામાજીક ધાર્મિક સંસ્થાઓ ના હોદેદારો અને આ રાજવી પરિવાર ના જયવીરકુમાર ખાચર , છત્રજીતકુમાર ખાચરે ખાસ હાજરી આપી હતી. જ્યારે કુલજીતકુમાર ખાચર નું ચોટીલા નગર માં અસલ રજવાડી યુગ ની પરંપરા મુજબ ધામધુમ થી ફુલેકું નીકળ્યું હતું જેમાં વરરાજા એ ઝરીયામ સાફો , હીરા જડિત કલગી અને સોનેરી ઝાંય ધરાવતા કિંમતી અચકણ સુરવાલ ના વસ્ત્રો ધારણ કર્યા હતાં આ ફુલેકા માં શણગારેલા અશ્વો , રાજાશાહી યુગ ની સીગરામ , વિન્ટેજ કાર નો કાફલો , બગી , ફુલેકા ના સમગ્ર માર્ગ ઉપર રોશની પાથરતા વિશાળ ઝુમ્મરો , ડમણીયા , ઉંટ , બળદ ગાડા અને વિવિધ ક્ષેત્ર ની સેલીબ્રીટી ઓ , રાજવી પરિવારો થી શોભતું આ ફુલેકું ચોટીલા ના રાજમાર્ગો ઉપર નીકળતાં નગરજનો જોવાં ઉમટ્યાં હતાં.જ્યારે આ અંગે આ રાજવી પરિવાર ના જયવીર કુમાર ખાચરે જણાવ્યું હતું કે અમારા ફેમીલી માં હજુપણ રાજાશાહી યુગ ની રજવાડી પરંપરા મુજબ જ લગ્ન પ્રસંગો ઉજવવા માં આવે છે.
