જિલ્લામાં હવામાનમાં પલટો આવતા હળવા ભારે ઝાપટાથી સવા ઇંચ જેવો વરસાદ પડ્યો

• અમરેલી, ખાંભા, જાફરાબાદ, લીલીયા, લોર અને હેમાળ, શેલણામાં એક ઇંચથી વધારે વરસાદ પડયો

અમરેલી,(ડેસ્ક રિપોર્ટર)
અમરેલી શહેર અને જિલ્લામાં આજે ધ્ાુપછાવ ભર્યા વાતાવરણ વચ્ચે બપોર બાદ વાતાવરણમાં પલટો આવતા આકાશમાં ઘટાટોપ વાદળાઓ છવાયા હતા. મેઘ ગર્જના અને કડાકા ભડાકા સાથે અમરેલી, ખાંભા, જાફરાબાદ, લીલીયા, લોર, હેમાળ, શેલણામાં એક ઇંચથી વધારે વરસાદ પડયો હતો. જ્યારે સાવરકુંડલા પોણો ઇંચ, બાબરા અડધો ઇંચ અને ધારીમાં હળવુ ઝાપટુ પડયુ હતુ. અમરેલી જિલ્લા ફલડ કંટ્રોલરૂમમાં નોંધાયેલ વરસાદના આંકડામાં અમરેલી 29 મી.મી, ખાંભા 30 મી.મી, જાફરાબાદ 29 મી.મી, ધારી 4 મી.મી, બાબરા 12 મી.મી, લીલીયા 29 મી.મી, વડીયા 5 મી.મી, સાવરકુંડલા 20 મી.મી, વરસાદ નોંધાયો હતો.