ડોક્ટરોની હડતાળ: ગુજરાતના ૨૮ હજારથી વધુ ખાનગી ડોક્ટરો હડતાળમાં જોડાયા

 

  • આયુર્વેદિક ડૉક્ટરોને સર્જરી કરવાની પરવાનગી અપાતા વિરોધ

અમદાવાદ,

રાજ્યભરમાં આજે ઇન્ડિયન મેડિકલ એસોસિએશન દ્વારા હડતાલ કરવામાં આવી છે. રાષ્ટ્રીય સ્તરે થઈ રહેલા વિરોધ પ્રદર્શનના અનુસંધાનમાં રાજ્યના તબીબો પણ જોડાયા છે. રાજ્યના તબીબો દ્વારા મેડિકલ ક્ષેત્રે કેન્દ્ર સરકાર દ્વારા લેવામાં આવેલા નિર્ણયનો વિરોધ કરવામાં આવી રહૃાો છે. ઇન્ડિયન મેડિકલ એસોસિએશન દ્વારા આજે રાજ્યવ્યાપી હડતાલ પાળવામાં આવી છે. આ હડતાલમાં ૨૮૦૦૦ તબીબો જોડાયા. રાજ્યના તમામ શહેરોમાં તબીબો દ્વારા પોતાની ઓપીડી બંધ રાખી અને એક દિવસ પૂરતો વિરોધ કરવામાં આવ્યો. જોકે, ઇન્ડિયન મેડિકલ એસોસિએશન દ્વારા આ હડતાલમાં પણ ઇમર્જન્સી સારવાર અને કોવીડ-૧૯ના દર્દીઓને સારવાર આપવાનું નક્કી કરવામાં આવ્યું હતું. આમ તબીબો પોતાની માનવતા ચુક્યા નથી.

આયુર્વેદિક ડોક્ટરોને ૫૮ જેટલી સર્જરીની મંજુરીના વિરોધમાં સુરત આઈએમએ સાથે જોડાયેલા તબીબો શુક્રવારે ઈમરજન્સી સિવાયના ઓપીડીના કામકાજથી દૂર રહૃાા છે. આજે સવારે ૬ વાગ્યાથી સાંજે ૬ વાગ્યા સુધી ઈમરજન્સી અને કોરોના વાયરસની સારવાર સિવાયની કામગીરી બંધ રાખીને ૩૫૦૦ જેટલા તબીબો દ્વારા વિરોધ વ્યકત કરવામાં આવી રહૃાો છે.

આયુર્વેદિક મેડિસીનની પ્રેક્ટિસ કરતા એમ.ડી. ડોક્ટરોને ૫૮ જેટલી સર્જરીની કેન્દ્ર સરકારે મંજૂરી આપી છે. તેમાં આયુર્વેદના ડોક્ટરો જનરલ અને ઓર્થોપેડિક સર્જરીની સાથે આંખ, કાન, નાક, ગળુ અને દૃાંતની પણ સર્જરી કરી શકશે. કેન્દ્ર સરકારના આ જાહેરનામાનો વિરોધ કરવા સુરતના ઇન્ડિયન મેડિકલ એસોસિએશન સાથે જોડાયેલા તબીબો શુક્રવારે સવારે ૬ વાગ્યાથી સાંજે ૬ વાગ્યા દરમિયાન પોતાના રૂટિન કાર્યથી દૂર રહેશે.તેમજ આ દરમિયાન તમામ ઈમરજન્સી સેવાઓ, કોવિડને લગતી સેવાઓ ચાલુ રાખવામાં આવશે.

રાજકોટ શહેરના ૧૮૦૦ જેટલા તબીબો જોડાયા એક દિવસની હડતાલમાં. સવારે ૬ થી સાંજના ૬ વાગ્યા સુધી તમામ તબીબો રહેશે હડતાલ પર કેન્દ્ર સરકાર દ્વારા આયુર્વેદિક તબીબોને ઓપરેશન માટે છૂટ આપવામાં આવતા હડતાલ કરવામાં આવી. ઇમરજન્સી અને કોવિડ સિવાયની તમામ તબીબી સેવાથી રહેશે તબીબો અડગ. સરકારના આ નિર્ણય થી એલોપેથી અને આયુર્વેદ બન્નેને નુકશાન થશે