દિલ્હીમાં ફરીથી લોકડાઉન કરવાની અરજી હાઇકોર્ટે ફગાવી

  • હાઇકોર્ટનો સરકારને સવાલ: તમારી પાસે લોકડાઉન સિવાય કોઇ ઉપાય નથી?

દેશની રાજધાની દિલ્હીમાં કોરોના વાયરસના વધતા જતા કેસો વચ્ચે હાઈ કોર્ટે સોમવારે દિલ્હીની અંદર તાત્કાલિક લોકડાઉન કરવાની અરજીને ફગાવી દીધી હતી. દિલ્હી હાઈકોર્ટે આ અરજીની સુનાવણી કરતાં અરજદૃારને પૂછ્યું હતું કે કોરોના વાયરસના ચેપને રોકવા માટે લોકડાઉન જ એકમાત્ર ઉપાય છે. નોંધનીય છે કે, તાજેતરના સમયમાં દિલ્હીમાં કોરોના વાયરસના દૃૈનિક કેસોમાં ઝડપથી વધારો થયો છે, જેના કારણે સરકારે તાજેતરમાં કેટલાક બજારોમાં પ્રતિબંધો પણ લગાવી દૃીધા છે.

આપને જણાવી દઈએ કે, દિલ્હીમાં કોરોના વાયરસના વધતા જતા કેસોને ધ્યાનમાં રાખીને કેજરીવાલ સરકારે લગ્ન સમારંભોમાં આવેલા મહેમાનોની સંખ્યા ૨૦૦ થી ઘટાડીને ૫૦ કરવા અને જાહેર સ્થળો પર માસ્ક ન પહેરવા બદૃલ ૫૦૦ થી ૨૦૦૦ રૂપિયા દડ વધારવા ઘણા નિર્ણયો લીધા છે. તાજેતરમાં જ દિલ્હીના સીએમ અરિંવદ કેજરીવાલે એક પ્રેસ કોન્ફરન્સમાં કહૃાું હતું કે રાજધાનીમાં કોરોના વાયરસની આ ત્રીજી લહેર છે તે નકારી શકાય નહીં અને સરકાર તેનાથી બચવા તમામ જરૂરી પગલાં લેશે.

દિલ્હીમાં રવિવારે કોરોના વાઇરસના નવા ૬૭૪૬ કેસ નોંધાયા. તેની સાથે રાજધાનીમાં કોરોની દર્દીઓની સંખ્યા વધીને ૫.૨૯ લાખથી વધુ થઇ ગઇ છે. ઉપરાંત છેલ્લા ૨૪ કલાકમાં કોરોનાને કારણે ૧૨૧ દર્દીના મોત થઇ ગયા. માટે તાકિદે લોકડાઉન લાદવાની માગ થઇ રહી છે