દેશમાં કોરોનાએ રતાર પકડી: ૨૪ કલાકમાં ૪૭,૦૦૦ નવા કેસ

  • એક જ અઠવાડિયામાં ભારતમાં ૬૭%નો મોટો ઉછાળો નોંધાયો
  • ૨૪ કલાકમાં ૨૧૨ દર્દીનાં મોત, કુલ મૃત્યુઆંક ૧,૫૯,૯૬૭એ પહોંચ્યો, પાછલા અઠવાડિયા દરમિયાન મહારાષ્ટ્રમાં ૧.૬૫ લાખ કેસ નોંધાયા

 

કોરોનાના દૈનિક કેસોની સંખ્યામાં ચિંતાજનક રીતે વધારો થઈ રહૃાો છે. મહારાષ્ટ્ર, ગુજરાત, મધ્ય પ્રદેશ સહિત અનેક રાજ્યોમાં નોંધપાત્ર રીતે નવા કેસમાં વધારો જોવા મળ્યો છે. જેને જોતા કેન્દ્ર સરકારની ચિંતા વધી ગઈ છે. રાજ્યો પોતાના સ્તરે વિવિધ પ્રતિબંધો લગાવીને કોરોનાના પ્રકોપને ઘટાડવાની કોશિશ કરી રહૃાા છે. કોરોનાના વધતા કેસ જોતા કેટલાક શહેરોમાં હાલ પૂર્ણ લોકડાઉન પણ લાગુ છે. તો  કેટલાક શહેરોમાં નાઈટ કરયૂ તથા અન્ય પ્રતિબંધો પણ કડકાઈથી લાગુ છે. છેલ્લા ૨૪ કલાકમાં કોરોનાના ૪૬ હજારથી વધુ નવા કેસ નોંધાયા છે.

કેન્દ્રીય આરોગ્ય મંત્રાલયના જણાવ્યાં મુજબ છેલ્લા ૨૪ કલાકમાં કોરોના વાયરસના નવા ૪૬,૯૫૧ દર્દીઓ નોંધાયા છે. આ સાથે કુલ કેસની સંખ્યા ૧,૧૬,૪૬,૦૮૧ પર પહોંચી ગઈ છે. જેમાંથી ૧,૧૧,૫૧,૪૬૮ લોકો કોરોનાને માત આપવામાં સફળ રહૃાા જ્યારે ૩,૩૪,૬૪૬ દર્દીઓ હજુ પણ સારવાર હેઠળ છે. એક જ દિવસમાં ૨૧૨ લોકોએ કોરોનાના કારણે જીવ ગુમાવ્યા. આ સાથે કુલ મૃત્યુઆંક ૧,૫૯,૯૬૭ પર પહોંચ્યો છે. રસીકરણ અભિયાન હેઠળ અત્યાર સુધીમાં ૪,૫૦,૬૫,૯૯૮ લોકોને રસી આપવામાં આવી છે.

છત્તીસગઢમાં કોરોનાના વધતા કેસને ધ્યાનમાં રાખતાં રાજ્ય સરકારે તમામ સ્કૂલો, કોલેજો અને આંગણવાડીને આગામી આદેશ સુધી બંધ રાખવાનો નિર્ણય લીધો છે. રાજ્યના મંત્રી રવીન્દ્ર ચૌબેએ આ બાબતે પુષ્ટિ કરી હતી.

આરોગ્ય સચિવ રાજેશ ભૂષણે ઉત્તરાખંડના મુખ્ય સચિવને કુંભ મેળામાં પ્રોટોકોલનું સખત પાલન કરવા પત્ર લખ્યો છે. ઉચ્ચ સ્તરીય સેન્ટ્રલ ટીમના કુંભ પ્રવાસ બાદ વ્યક્ત થયેલી ચિંતા પછી તેમણે આ પત્ર લખ્યો છે.

કર્ણાટકમાં કોરોનાની બીજી લહેરની શરૂઆત: સ્વાસ્થ્ય મંત્રી

આ વચ્ચે કર્ણાટકના સ્વાસ્થ્ય મંત્રીએ કહૃાું છે કે, કોરોના વાયરસની બીજી લહેરની શરૂઆત રાજ્યમાં થઈ ગઈ છે. જણાવી દઈએ કે, કર્ણાટકમાં પાછલા ૨૪ કલાકમાં ૧,૭૧૫ કેસ સામે આવ્યા અને બે લોકોના મોત પણ થઈ ગયા. અહીં કુલ ૯,૭૦,૨૦૨ કેસ છે. અત્યાર સુધી ૧૨,૪૩૪ લોકોના જીવ કોરોનાના કારણે જઈ ચૂક્યો છે. રાજ્યમાં ૧૩,૪૯૩ એક્ટિવ કેસ છે.

મહારાષ્ટ્રમાં મોટી સંખ્યામાં નવા કેસ

જણાવી દઈએ કે, મહારાષ્ટ્રમાં રવિવારે ૩૦,૫૩૫ નવા કોરોના કેસ મળ્યા, જ્યારે ૯૯ લોકોના મોત થઈ ગયા. રાજ્યમાં ૯,૬૯,૮૬૭ લોકો હોમ ક્વોરન્ટાઈન છે અને ૯,૬૦૧ કોરોના સેન્ટરમાં ભરતી છે. મહારાષ્ટ્રમાં કુલ ૨,૧૦,૧૨૦ એક્ટિવ કેસ છે. આજે ૧૧,૩૧૨ દર્દી ડિસ્ચાર્જ કરવામાં આવ્યા. રાજ્યમાં રિક્વરી રેટ ૮૯.૩૨ ટકા છે. કુલ ૨૪,૭૯,૬૮૨ લોકો મહારાષ્ટ્રમાં કોરોના પોઝિટિવ છે.

જ્યારે મુંબઈમાં પાછલા ૨૪ કલાકમાં કોરોનાના ૩૭૭૫ નવા કેસ મળ્યા. જ્યારે ૧૦ લોકોના મોત થઈ ગયા. ૧૬૪૭ રિક્વરી પણ થયા. નાગપુરમાં ૩૬૧૪ નવા કેસ મળ્યા અને ૩૨ લોકોના મોત થઈ ગયા.