અમરેલી, ધારીના સરસીયા ગામેથી અમરેલી એસઓજીના ઇન્ચાર્જ પીઆઇ શ્રી એસ એમ સોની અને તેની ટીમે ભાવનગર રેન્જ આઇજી શ્રી અશોકકુમારની સુચનાં અને માર્ગદર્શન હેઠળ અમરેલી પોલીસ અધિક્ષકશ્રી હિમકર સિંહએ અમરેલી જીલ્લામાં કેફી પદાર્થોનું ગેરકાયદેસર રીતે વેંચાણ કરતા ઈસમોને ઝડપી પાડી યુવાઘનને બરબાદીનાં રસ્તે જતા અટકાવવા જરૂરી સુચનાં અને માર્ગદર્શન આપેલ હોય તે દરમિયાન બાતમી મળી હતી કે, ધારી તાલુકાનાં સરસીયા ગામે જગ્યાવાળુ પરા તરીકે ઓળખાતા વિસ્તારમાં રહેતો હસમુખભાઇ મધુભાઇ વાધેલાના કબ્જાના રહેણાંક મકાને ગેરકાયદેસર માદક પદાર્થ ફુલછોડની આડમાં ગાંજાનાં છોડનું વાવેતર કરેલ છે જેથી શ્રી સોનીએ આ જગ્યાએ રેઇડ કરતા હસમુખભાઇ મધુભાઇ વાધેલા પાસેથી વનસ્પિત જન્ય લીલા ગાંજાના છોડ નંગ-6 વજન 1 કિલો 960.ગ્રામ કિ.રૂ.9,800/- ના મુદ્દામાલ મળી આવેલ હતો.આ શખ્સને વઘુ તપાસ અર્થે ધારી પોલીસ સ્ટેશન ખાતે સોંપી આપવામાં આવેલ છે. આમ, અમરેલી પોલીસ અધિક્ષકશ્રી હિમકરસિંહની સુચના તથા માર્ગદર્શન હેઠળ પોલીસ ઈન્સ.,શ્રી કે.સી.રાઠવા, સર્કલ પો.ઈન્સ., ધારી, તથા એસ.ઓ.જી. ઈન્ચાર્જ પોલીસ ઈન્સ્પેક્ટરશ્રી એસ.એમ.સોની, તથા એસ.ઓ.જી.ટીમ દ્વારા એક ઈસમને ફુલછોડની આડમાં ગાંજાનાં છોડનાં વાવેતર સાથે ઝડપી પાડવામાં સફળતા મળેલ છે.
