ન્યૂઝીલેન્ડ કેપ્ટન વિલિયમ્સનના ઘરે પત્નીએ પુત્રીને જન્મ આપ્યો

ન્યુઝીલેન્ડના કેપ્ટન કેન વિલિયમસનના ઘરે દીકરીનો જન્મ થયો છે. બુધવારે તેણે ઈન્સ્ટાગ્રામ પર આ ખુશખબરી આપી હતી. વિલિયમસન અને તેની પત્ની સારા રહીમે પોતાના પરિવારના નવા સભ્યનું સ્વાગત કર્યું હતું. પેટરનિટી લીવ પર ચાલી રહેલાં ૩૦ વર્ષીય વિલિયમસને પોતાની દીકરીનો ફોટો ઈન્સ્ટાગ્રામ પર શેર કરતાં લખ્યું કે, અમારા પરિવારમાં એક ખુબસુરત બાળકીનું સ્વાગત કરવામાં ખુબ જ ખુશી થઈ રહી છે.

હેરાલ્ડ અનુસાર પેટરનિટી લીવ પર જતાં પહેલાં વિલિયમસને કહૃાું હતું કે, આ કોઈના જીવનમાં ખુબ જ રોમાંચક સમય હોય છે, નિશ્ર્ચિત રીતે મારા જીવનમાં પણ છે. IPL માં  સનરાઈઝર્સ હૈદરાબાદ માટે રમ્યા બાદ તેણે વેસ્ટઈન્ડીઝની સામે ટેસ્ટ સીરિઝના પહેલા મુકાબલામાં ટીમનું નેતૃત્વ કર્યું હતું. હેમિલ્ટનમાં રમાયેલ તે ટેસ્ટ મેચમાં વિલિયમસને પોતાના કેરિયરનું બેસ્ટ પ્રદર્શન કર્યું અને ૨૫૧ રન બનાવ્યા હતા.

ન્યુઝીલેન્ડે ઈનિંગ અને ૧૩૪ રનથી મેચ જીતી હતી. મેન ઓફ ધ મેચ વિલિયમસનને પસંદ કરવામાં આવ્યો હતો. જેણે ૪૧૨ બોલનો સામનો કર્યો હતો અને ૩૪ ચોગ્ગા અને ૨ છગ્ગા ફટકાર્યા હતા. વર્લ્ડ કપ ૨૦૧૯ની ઉપ વિજેતા ટીમની કેપ્ટની સંભાળનાર વિલિયમસની પત્ની સારા એક નર્સ છે. જેણે યુનિવર્સિટી ઓફ બ્રિસ્ટલથી અભ્યાસ કર્યો છે.