- અમરેલી જિલ્લાના પનોતાપુત્ર અને ગુજરાત મ્યુનીસપલ ફાયનાન્સ બોર્ડનાં ચેરમેન શ્રી ધનસુખ ભંડેરી દ્વારા જબરદસ્ત આયોજન
- ધારી બેઠકનાં ભાજપનાં ઉમેદવાર શ્રી કાકડીયાને વિજય બનાવવા ભાજપની વિરાટ સભા યોજાશે
- બગસરાનાં ઉત્સવ મેદાનમાં જિલ્લાભરમાંથી ભાજપ કાર્યકરો વિશાળ સંખ્યામાં ઉમટી પડશે
- સતત ત્રણ મહિનાથી ધારી બેઠકનો મોરચો શ્રી ધનસુખ ભંડેરીએ સંભાળી ભાજપના ઉમેદવાર શ્રી જેવી કાકડીયાના વિજય માટે તનતોડ મહેનત કરી છે
અમરેલી,ધારી, બગસરા, ખાંભા વિધાનભા પેટા ચુંટણી અંતર્ગત પેટા ચુંટણી અંતર્ગત ભાજપનાં ઉમેદવારશ્રી જે.વી.કાકડીયાને જંગી લીડ સાથે વિજય બનાવવા બગસરામાં આજે તા.31 શનિવારે બપોરે 4 વાગ્યે ઉત્સવ મેદાન ખાતે વિરાટ જાહેરસભા યોજાનાર છે અને ભાજપના વરિષ્ઠ આગેવાન અને અમરેલી જિલ્લાના પનોતાપુત્ર તથા ગુજરાત મ્યુનીસીપલ ફાયનાન્સ બોર્ડના ચેરમેન શ્રી ધનસુખ ભંડેરી દ્વારા જાહેરસભાની તૈયારીને આખરી ઓપ આપી દેવામાં આવ્યો છે.
આ જાહેરસભામાં ગુજરાતનાં સંવેદનશીલ મુખ્યમંત્રીશ્રી વિજયભાઇ રૂપાણી તથા ગુજરાત પ્રદેશ ભાજપનાં યશસ્વી અધ્યક્ષ શ્રી સીઆર પાટીલ સંબોધન કરશે. ચુંટણી અનુલક્ષીને પ્રદેશ ભાજપ દ્વારા યોજાનારી જંગી જાહેર સભામાં અમરેલી જિલ્લાભરમાંથી ભાજપ આગેવાનો અને કાર્યકરો વિશાળ સંખ્યામાં ઉમટી પડશે. પ્રદેશ પ્રમુખ અને મુખ્યમંત્રીની જાહેરસભાને કારણે અમરેલી જિલ્લાનાં ભાજપ કાર્યકરો આગેવાનોમાં નવા જોમ અને જુસ્સામાં વધારો થયો છે. અમરેલી જિલ્લા ભાજપ દ્વારા શ્રી જે.વી.કાકડીયાનાં સમર્થનમાં જાહેર સભા માટે તડામાર તૈયારીઓને આખરી ઓપ અપાઇ ગયો છે.
અત્રે ઉલ્લેખનીયક છે કે, ગત તા.29નાં રોજ શ્રી રૂપાણીની જાહેરસભા યોજાનાર હતી પરંતુ ગુજરાતનાં પુર્વ મુખ્ય મંત્રી શ્રી કેશુભાઇ પટેલનું નિધન થતાં રાજ્યમાં ભાજપનાં તમામ કાર્યક્રમો બંધ રહ્યાં હતાં તેથી મુખ્યમંત્રીશ્રી વિજયભાઇ રૂપાણીનાં તમામ કાર્યક્રમો રદ્દ થતાં ધારીની બેઠકમાં બગસરાની જાહેરસભા પણ મુલત્વી રાખવામાં આવી હતી. તે મુલત્વી રખાયેલી જાહેર સભાનાં ભાગરૂપે આજે શ્રી રૂપાણી બગસરામાં જંગી જાહેરસભાને સંબોધન કરશે તેમ ધારી બેઠક ભાજપ ચુંટણી કાર્યાલય દ્વારા જણાવાયું છે. અત્રે ઉલ્લેખનીય છે કે સતત ત્રણ મહિનાથી ધારી બેઠકનો મોરચો શ્રી ધનસુખ ભંડેરીએ સંભાળી ભાજપના ઉમેદવાર શ્રી જેવી કાકડીયાના વિજય માટે તનતોડ મહેનત કરી છે અને તેનું પરિણામ હવે સામે પણ આવી રહયુ છે ધારી બેઠક ઉપર ભાજપ બાજી મારી જાય તો નવાઇ નહી.
