બગસરા, બાબરા અને લીલીયામાં ધોધમાર વરસાદ

અમરેલી,

અમરેલી જિલ્લામાં ગતરાત્રીના ગાજવીજ સાથે બગસરામાં ધોધમાર ત્રણ ઇંચ જેવો વરસાદ પડયો હતો જયારે બાબરામાં અઢી ઇંચ જેવો વરસાદ પડી જતા નદી નેહરાઓ વહેતા થયા હતા તેમજ નિચાણવાળા વિસ્તારોમાં ગોથણબુટ પાણી ભરાયા હતા.લીલીયા શહેરમાં દોઢ ઇંચ વરસાદ  જયારે લાઠીમાં અડધો ઇંચ વરસાદ પડયો હતો અમરેલી શહેર અને સાવરકુંડલામાં હળવાભારે વરસાદના ઝાપટાઓ પડયા હતા. અમરેલી જિલ્લા ફલડ કંટ્રોલ રૂમમાં નોંધાયેલ આંકડામાં બગસરા 70 મીમી, બાબરા 62 મીમી, લાઠી 15 મીમી, લીલીયા 32 મીમી, સાવરકુંડલા 3 મીમી વરસાદ નોંધાયો હતો.