બાબરામાં બોટાદની ગેંગ સામે ગુજસીટોકનો ગુનો દાખલ

અમરેલી,
સાવરકુંડલા તાલુકામાં 2020ની સાલમાં ગુજરાતભરમાં સૌથી પહેલો ગુજસીટોકનો ગુનો દાખલ થયા બાદ બાબરા પોલીસમાં એસપીશ્રી િૈમકરસિંહ દ્વારા બીજો ગુનો એક ગેંગ સામે દાખલ કરવામાં આવતા ખળભળાટ મચી જવા પામેલ છે.આ અંગેની વિગતો એવા પ્રકારની છે કે, તાજેતરમાં જ આર્મીના નિવૃત લેફટન્ટ કર્નલ અને ખાનગી કંપનીના અધિકારી શ્રી ચઢા ઉપર જીવલેણ હુમલો કરી તેના હાથ-પગ ભાંગી નાખવામાં આવ્યા હતા જેના પગલે ચોંકી ઉઠેલ પોલીસ તંત્ર દ્વારા તપાસ કરાતા જસદણ અને બોટાદના શખ્સોએ ગેંગ બનાવી હોવાનું અને કેટલીક ચોંકાવનારી વિગતો સામે આવી હતી જેમા અમરેલી,રાજકોટ,બોટાદ જીલ્લાઓના અલગ અલગ પોલીસ સ્ટેશન વિસ્તારોમાં શીવકુભાઇ બહાદુરભાઇ ઉર્ફે નાનભાઇ ગોવાળીયા ઉવ.40 ધંધો.ખેતી રહે.રાયપર તા. ગઢડા હાલ – બોટાદ આનંદધામ રેશીડેન્સી, રાજકુભાઇ ઉર્ફે રજકુભાઇ બહાદુરભાઇ ઉર્ફે નાનભાઇ ગોવાળીયા ઉવ.34 પાંચપડા શીવાજીનગર પાળીયાદ રોડ બોટાદ, હરેશભાઇ દડુભાઇ ગીડા ઉ.વ. 40 ધંધો ખેતી રહે. રાયપર હાલ -રહે. બોટાદ આનંદધામ રેશીડેન્સી, મંગળુભાઇ બહાદુરભાઇ ઉર્ફે નાનભાઇ ગોવાળીયા ઉવ. 42 હાલ બોટાદ બ્રાહમ્ણ તથા જસદણના સતવીરભાઇ ધીરુભાઇ ગીડા અને પ્રતાપભાઇ ધીરુભાઇ ગીડાએ ગેંગ બનાવી હોય સંગઠીત ટોળી વિરૂધ્ધ ગુજરાત કન્ટ્રોલ ઓફ ટેરરીઝમ એન્ડ ઓર્ગેનાઇઝડ ક્રાઇમ (ગુજસીટોક) એક્ટ 2015 અધિનિયમ અંતર્ગત છ શખ્સો સામે ગુન્હો દાખલ કરી સતવીર અને પ્રતાપ સીવાયના ચાર આરોપીઓની અટક કરી સતવીર અને પ્રતાપની શોધખોળ શરૂ કરી છેઅમરેલી જિલ્લા પોલીસ અધિક્ષક શ્રી હિમકર સિંહની સુચના અને માર્ગદર્શન મુજબ અમરેલી એલ.સી.બી.પોલીસ ઇન્સ. શ્રી.એ.એમ.પટેલ દ્વારા અમરેલી, અમરેલી,બોટાદ,રાજકોટ જિલ્લામાં વિશેષ ગેંગ બનાવી, પોતાનું નેટવર્ક ઉભું કરીને ગેરકાયદેસરની મંડળીઓ રચી, ખુનની કોશીશ,સામાન્ય પ્રજાને ધાક ધમકી આપી, મારામારી કરી, કોન્ટ્રાક્ટ પડાવી લેવાના તથા ગેરકાયદેસર હથિયાર રાખવાના ગુનાઓ આચરતી સંગઠીત ટોળકી વિરૂધ્ધ જરૂરી રેકર્ડ અને પુરાવાઓ એકત્રિત કરી, ભાવનગર રેન્જ વડા શ્રી ગૌતમ પરમારની મંજુરી મેળવી, શ્રી.સરકાર તરફે ફરિયાદ આપી બાબરા પો.સ્ટે. ગુ.ર.નં. 11-193-008-23-0322 ધી ગુજરાત કંટ્રોલ ઓફ ટેરરીઝમ એન્ડ ઓર્ગેનાઇઝ એકટ-2015ની કલમ-3(1)ની પેટા(2) તથા કલમ-3(ર) તથા કલમ-3(4) મુજબનો ગુન્હો તા.22/06/2023 ના ક.23/00 વાગ્યે રજી.કરવામાં આવેલ છે.
આ ટોળી ના સાગરીતો અમરેલી અને બોટાદ જિલ્લામાં પોતાનુ નેટવર્ક ઉભુ કરી, આ ટોળકી દેશના આર્થિક અને ઔધોગીક વિકાસમાં સંલગ્ન રીન્યુએબલ એનર્જી જેવા મહત્વના પ્રોજેકટોના અમલીકરણમાં ગુનાહિત બળ વાપરી, ધાક ધમકી આપી અવરોધ ઉત્પન્ન કરે છે. તેમજ આ ટોળકીએ એકસંપ કરી, ગેરકાયદેસરની મંડળીઓ રચી, સામાન્ય પ્રજાને ધાક ધમકી આપી, મારામારી કરી, કોન્ટ્રાક પડાવી લેવાના તથા ગેરકાયદેસર હથિયાર રાખવાના ગુનાઓ આચરેલ હોવાનુ જણાયેલ છે. જેથી ધી ગુજરાત કંટ્રોલ ઓફ ટેરરીઝમ એન્ડ ઓર્ગેનાઇઝ ગુજસીટોક મુજબ ગુનો દાખલ કરેલ છે.આ ટોળી સામે ગઢડામાં બે,બાબરામાં બે બોટાદમાં બે ગુના દાખલ થયેલ છે તથા સતવીર અને પ્રતાપ સામે અમરેલીમાં પણ ગુનો દાખલ થયેલ છે.ગુજસીટોકની તપાસ અમરેલી નાયબ પોલીસ અધિક્ષક શ્રી.જે.પી.ભંડારીને સોંપવામાં આવેલ છે તેમના સહાયક તપાસનીશ અધિકારી તરીકે શ્રી જે.જે.ચૌધરી પો.ઇન્સ. તથા શ્રી આર.ડી.ચૌધરી પો.ઇન્સ. બાબરા પો.સ્ટે. તથા શ્રી પી.બી.લક્કકડ પો.સબ.ઇન્સ. એલ.સી.બી. શાખા અમરેલી તથા શ્રી બી.પી.પરમાર પો.સબ.ઇન્સ. દામનગર પો.સ્ટે. ની સ્પેશ્યલ ઇન્વેસ્ટીગેશન ટીમની રચના કરવામાં આવેલ છે. આજે તા. 26ના રોજ ચાર આરોપીને અટક કરી મુખ્ય તપાસનીશ અધિકારી શ્રી. જે.પી.ભંડારી રીમાન્ડની માંગણી કરનાર છે.
દરમિયાન અમરેલીના એસપીશ્રી હિમકર સિંહે પત્રકાર પરિષદના માધ્યમથી લોકોને અપીલ કરી છે કે આ પ્રકારના કે કાયદાનો ભંગ કરનારાઓ સામે ફરિયાદ કરવા માટે નિર્ભય બનીને આગળ આવે પોલીસ આવા તત્વોની સાન ઠેકાણે લાવી લોકોની સુરક્ષા માટે પ્રતિબધ્ધ છે.