બેરૂત બ્લાસ્ટ: મૃત્યુઆંક વધીને ૧૦૦ થયો, ૪૦૦૦થી વધુ લોકો ઇજાગ્રસ્ત

  • ૨.૫૦ લાખ લોકો ઘરવિહોણા બન્યા

બેરૂત,
લેબેનોનના પાટનગર બેરૂતમાં બે મહાવિસ્ફોટ થયા હતા. એ વિસ્ફોટનું સ્પષ્ટ કારણ જાહેર થયું ન હતું. એમાં અસંખ્ય ઈમારતોનો કચ્ચરઘાણ નીકળી ગયો હતો. અસંખ્ય લોકો ઈજાગ્રસ્ત બન્યા હતા. જોકે, લેબેનોન પીએમએ એમોનિયમ નાઇટ્રેટમાં વિસ્ફોટ થયો હોવાનું જણાવ્યું છે.
લેબનાનના રાષ્ટ્રપતિ મિશેલ આઉને બુધવારે તાત્કાલિક કેબિનેટની બેઠક બોલાવી હતી અને કહૃાું હતું કે બેરૂતમાં મોટાપાયે થયેલા વિસ્ફોટ બાદ ઓછામાં ઓછા ૧૦૦ લોકોનાં મોત અને ૪,૦૦૦ અન્ય ઘાયલ થયાં પછી બે અઠવાડિયાની કટોકટીની સ્થિતિ જાહેર કરવી જોઈએ. મંગળવારે થયેલા વિસ્ફોટથી શહેરભરમાં ઝટકાઓ અનુભવાયા છે. પાટનગરની બહારના વિસ્તારો સુધી વ્યાપક નુકસાન થયું હતું. આ ઘટનાના વિશ્ર્વભરમાં પડધા પડ્યા છે. પરમાણુ બોમ્બ ફાટ્યો હોય તેવા ભયાનક વિસ્ફોટથી એક કિલોમીટરનો વિસ્તાર સાફ થઈ ગયો છે. લોકો રીતસરના રડવા લાગ્યા હતા. રોડ પર દોડતી ગાડીઓ હવામાં ફંગોળાઈ ગઈ હતી. બૈરૂતમાં આ વિસ્ફોટને પગલે ૨.૫૦ લાખ લોકો ઘરવિહોણા બની ગયા છે. અધિકારીઓએ જણાવ્યું હતું કે તેઓ અપેક્ષા રાખે છે કે મૃત્યુઆંક હજુ વધુ વધશે કેમ કે આપાતકાલિન કર્મચારીઓ બચી ગયેલા લોકોની શોધખોળ માટે કાટમાળને ફંફોસી રહૃાાં છે.
બેરૂકના શહેર ગવર્નર મારવાન અબાઉદે કહૃાું કે ૨,૦૦,૦૦૦ થી ૨૫૦,૦૦૦ લોકો ઘરો ગુમાવી ચૂક્યા છે અને અધિકારીઓ તેમને ખોરાક, પાણી અને આશ્રય આપવા પર કામ કરી રહૃાા છે. વિસ્ફોટનું કારણ તાત્કાલિક સ્પષ્ટ થઈ શક્યું નથી. અધિકારીઓએ આ વિસ્ફોટને લગભગ ૨,૭૫૦ ટન જપ્ત કરેલી એમોનિયમ નાઇટ્રેટ સાથે જોડ્યો હતો જે છ વર્ષથી બંદરના વેરહાઉસમાં સંગ્રહિત હતો.