રેલવે ૧૫ ઓક્ટોબરથી દોડશે ૨૦૦થી વધુ નવી સ્પેશિયલ ટ્રેન

ઓક્ટોબર-નવેમ્બર મહિનામાં ઘણા તહેવારો હોય છે. આને કારણે, ટ્રાન્સપોર્ટ સિસ્ટમ પરના ભારને ધ્યાનમાં રાખીને રેલવે વધારાની ટ્રેનો દોડાવવાની તૈયારીમાં છે. ૧૫ ઓક્ટોબરથી ૩૦ નવેમ્બર વચ્ચે ૨૦૦ થી વધુ ટ્રેનો દોડી શકે છે. રેલવે બોર્ડના અધ્યક્ષ અને સીઈઓ વી.કે. યાદવે ગુરુવારે પ્રેસ કોન્ફરન્સમાં કહૃાું, “અમે વિવિધ ઝોનલ મેનેજરો સાથે વાત કરી હતી અને તેમને પૂછ્યું હતું કે તહેવારોની સીઝનમાં લોકોને અસુવિધાથી બચાવવા માટે કેટલી ટ્રેનોની જરૂર છે, તેથી અમારી પાસે આશરે ૨૦૦ નો આંકડો છે. તેના આધારે, અમે તહેવારની સિઝનમાં વધુ ટ્રેનો ચલાવવાનું નક્કી કર્યું છે.
ભારતીય રેલવે ૨૫ માર્ચે દૃેશવ્યાપી લોકડાઉન બાદ ટ્રેન સેવા બંધ કરી દીધી હતી. બાદમાં ૧ મેના રોજ અટવાયેલા કામદારો, ભક્તો, વિદ્યાર્થીઓ અને પ્રવાસીઓ માટે શ્રમિક સ્પેશિયલ ટ્રેન ચલાવવામાં આવી હતી. તેણે ૧૨ મેથી સ્પેશિયલ એસી ટ્રેનની ૧૫ જોડી અને ૧ જૂનથી ૧૦૦ જોડી ટાઇમ-ટેબલ ટ્રેનો શરૂ કરી હતી. ૧૨ સપ્ટેમ્બરથી વધુ ૮૦ ટ્રેનોનું સંચાલન શરૂ થયું. ત્યારબાદ, અનેક વિશેષ ટ્રેનોમાં ભારે ભીડને ધ્યાનમાં રાખીને ૨૧ સપ્ટેમ્બરથી પસંદગીના રૂટ પર ૨૦ જોડી ’ક્લોન ટ્રેન’ ચલાવવાનું નક્કી કરાયું હતું.