વડાપ્રધાન મોદીના ખાસ મિત્ર હરિભાઈ આધુનિકનું રાજકોટ ખાતે નિધન

હાલારના દ્વારકામાં વસતા વડાપ્રધાન નરેન્દ્ર મોદીના ખાસ મિત્રોમાંના એક એવા હરિભાઈ આધુનિકનું અવસાન થયું છે. હરિભાઈ આધુનિક વર્ષોથી રાષ્ટ્રીય સ્વયંસેવક સંઘ, વિશ્ર્વ હિન્દૃુ પરિષદ અને જનસંઘ વખતથી ભાજપ સાથે સંકળાયેલા હતા. ખૂબ જ સરળ અને સાદગીભર્યું જીવન જીવતા હરિભાઈ આધુનિક વડાપ્રધાન મોદીના પ્રથમ હરોળના મિત્ર ગણાય છે. વડાપ્રધાન મોદીગુજરાતના મુખ્યમંત્રી હતા ત્યારે અને ભારતના વડાપ્રધાન બન્યા બાદ પણ દ્વારકા આવતા હતા ત્યારે તેઓ પોતાના કાફલાને અટકાવી તમામ પ્રોટોકોલ સાઈડમાં મૂકી હરિભાઈ આધુનિકને મળવા અચૂક દોડી જતા હતા.

દ્વારકા ભાજપના પાયાના કાર્યકર્તા ગણાતા હરિભાઈ આધુનિક જનસંઘ સમયે જેલમાં પણ ગયા હતા. ગુજરાતમાં વિધાનસભા, લોકસભા, નગરપાલિકા કે પછી તાલુકા પંચાયતની ચૂંટણી સમયે હરિભાઈ આધુનિક હાથમાં થેલો લઈને દુકાને દુકાને અને ઘરે ઘરે પહોંચીને દ્વારકાધીશનો પ્રસાદ આપી ભાજપને મત આપવા માટે અપીલ કરતા હતા.

અત્યંત સરળ અને સાદગીભર્યા સ્વભાવના હરિભાઈ આઘુનિક ભાજપ કાર્યકર્તા તરીકે રહૃાા છે. નરેન્દ્ર મોદીજ્યારે જ્યારે દ્વારકા આવતા હતા ત્યારે અચૂક હરિભાઈ આધુનિકને મળતા હતા. એટલું જ નહીં, તેમની સભામાં હરિભાઈનો ઉલ્લેખ પણ કરતા હતા. હરિભાઈ આઘુનિક દ્વારકા દેવસ્થાન સમિતિમાં છેલ્લા ૨૦ વર્ષથી સદસ્ય તરીકે સેવા આપતા હતા. તેઓનું રાજકોટ ખાતે માંદગીમાં અવસાન થવાના સમાચારથી દ્વારકા પંથકમાં શોકનું મોજુ ફરી વળ્યું છે.