સેન્ડલવૂડ ડ્રગ્સ કેસમાં અત્યાર સુધી સાતથી વધુ લોકોની ધરપકડ કરવામાં આવી છે. સેન્ટ્રલ ક્રાઈમ બ્યૂરો પોલીસે મંગળવાર, ૧૫ સપ્ટેમ્બરના રોજ આદિત્ય અલ્વાના ઘરે દરોડા પાડવા માટે સર્ચ વોરન્ટ જાહેર કર્યું હતું. ત્યારબાદ કર્ણાટકમાં હેબ્બલ સ્થિત હાઉસ ઓફ લાઈવ્સ એટલે કે કર્ણાટકના પૂર્વ મંત્રી જીવરાજ અલ્વાના ઘરે સર્ચ ઓપરેશન હાથ ધર્યું હતું.
ઉલ્લેખનીય છે કે આદિત્યને ડ્રગ્સ સિન્ડિકેટમાં આરોપી છે. આદિત્ય અંગે સીસીબીના સોર્સે કહૃાું હતું કે તેના મુખ્ય આરોપીઓ સાથે ઘણાં જ નિકટના સંબંધ છે અને તે ત્રણ પાર્ટીઓમાં ગયો હતો. કોટ્ટનપેટ પોલીસ સ્ટેશનમાં નોંધાયેલ ડ્રગ્સ કેસમાં આદિત્યને પણ આરોપી બનાવવામાં આવ્યો છે. રાગિની જે પાર્ટીમાં હતી, તે પાર્ટીમાં આદિત્ય પણ ગયો હતો. આ માહિતી મળ્યા બાદ પોલીસે આદિત્યને પકડવાનો પ્રયાસ કર્યો હતો પરંતુ તેઓ હજી સફળ થઈ શક્યા નથી.
કહેવામાં આવ્યું છે કે આદિત્ય વારંવાર શહરે કે જગ્યા બદલી રહૃાો છે. તેણે પોતાનો ફોન પણ સ્વિચ ઓફ કર્યો છે. પ્રોડ્યૂસર-ડિરેક્ટર ઈન્દ્રજીત લંકેશે સીસીબી સમક્ષ હાજર થઈને માહિતી આપી હતી કે સેન્ડલવૂડ ઈન્ડસ્ટ્રીમાં ડ્રગ્સ સ્કેન્ડલ ચાલી રહૃાું છે. તેમણે ૧૫ લોકોના નામ પણ આપ્યા હતા.
