સાયલન્ટ કિલર સબમરિન ’કરંજ’ નૌસેનામાં વિધિવત રીતે સામેલ

  • આ સબમરીનનો કમિશિંનગ પ્રોગ્રામ મુંબઈના નેવી ડોકયાર્ડ ખાતે યોજાયો

 

ભારતીય નૌકાદળની તાકાત વધારવા માટે સ્કોર્પિન ક્લાસની ત્રીજી સબમરીન આઈએનએસ કરંજ આજે એટલે કે બુધવારે નૌકાદળના કાફલામાં જોડાઈ છે. આઈએનએસ કરંજ પહેલા આઈએનએસ કાલવરી અને આઈએનએસ ખંડેરી નેવીને સોંપવામાં આવ્યા હતા. નૌકાદળને ૬ સ્કોર્પિન ક્લાસ સબમરીન સોંપવાની છે, જેમાંથી ત્રણને સોંપવામાં આવી છે અને ચોથી આઈએનએસ વેલાને પરીક્ષણ માટે મોકલવામાં આવી છે. કરંજ સબમરીન કોલ્વેરી-ક્લાસ ડીઝલ ઇલેક્ટ્રિક સબમરીનમાંથી ત્રીજી સબમરીન છે જેણે ૨૦૧૭ થી નૌકાદળમાં કામગીરી શરૂ કરી.

કરંજ એ એક નાનું સબમરીન છે જેની લંબાઈ ૭૦ મીટર છે. તેની ઉંચાઈ ૧૨ મીટર છે. પરમાણુ શક્તિ દ્વારા સંચાલિત સબમરીન અરિહંત સાથે આની તુલના કરી શકાતી નથી, જોકે સબમરીનનો આ વર્ગ તેના પોતાના અલગ ફાયદા ધરાવે છે.

અણુશક્તિ દ્વારા સંચાલિત આ સબમરીન લાંબી અને ભારે છે. આ સબમરીનનું વજન આશરે ૧૬૦૦ ટન છે. આ સબમરીન સમુદ્રની અંદર ખાણ મૂકીને દુશ્મનનો નાશ કરવાની શક્તિ ધરાવે છે.

આઈએનએસ કરંજ મિસાઈલ અને ટોરપીડોથી સજ્જ છે અને સમુદ્રમાં માઇન્સ પાથરવામાં પણ સક્ષમ છે. લગભગ ૩૫૦ મીટર ઉંડા દરિયામાં આઈએનએસ કરંજને તૈનાત કરી શકાય છે. તેમાં ઓક્સિજન બનાવવાની ક્ષમતા પણ છે જેનાથી લાંબા સમય સુધી પાણીની અંદર રહી શકે છે.

નૌકાદળના ચીફ એડમિરલ કરમબીર સિંહે કહૃાું,  વર્ગની આ ત્રીજી સબમરીન છે.” ચોથી સબમરીન પણ અજમાયશ માટે ગઈ છે. વડા પ્રધાન મોદીજીના માર્ગદર્શનથી જ આ બધું શક્ય બન્યું છે. આ સ્વનિર્ભર ભારતના સપનાને પ્રોત્સાહન આપે છે. તેમણે કહૃાું,  મહામારીને કારણે તેનું કામ શરૂ કરવામાં મોડું થયું હતું.” જો કે, અમે આ સબમરીનને સમયાંતરે યુદ્ધના કાફલામાં સામેલ કરીએ છીએ ‘.

શું છે હાલની સ્થિતિ?

સ્કોર્પિન ક્લાસની પ્રથમ બે સબમરીન આઈએનએસ કાલવરી અને આઈએનએસ ખંડેરી પહેલાથી જ ભારતીય નૌકાદળના કાફલામાં સામેલ થઈ ચૂકી છે અને ઓપરેશનલ રીતે દરિયામાં તૈનાત છે. આ ઉપરાંત ચોથી સબમરીન વેલાનું ટેસ્ટિંગ પણ શરૂ છે. પાંચમી સબમરીન વાગીર પણ દરિયામાં ઉતારવામાં આવી છે. સ્કોર્પિન વર્ગની છઠ્ઠી સબમરીન વાગશિર પણ મઝગાંવ ડોકયાર્ડમાં બનાવવાનું શરૂ થઈ ગયું છે.