ટોક્યોમાં પીવી સિંધુએ બ્રોન્ઝ જીત્યા બાદ પીએમ મોદી સાથે માણશે આઈસ્ક્રીમની મજા

ભારતની સ્ટાર બેડમિન્ટન ખેલાડી પીવી સિંધૂએ ટોક્યો ઓલિમ્પિક્સમાં રવિવારે વિમેન્સ સિંગલ્સના મુકાબલામાં ચીનની બિંગ જિયાઓને પરાજય આપ્યો હતો. આ સાથે જ તેણે બ્રોન્ઝ મેડલ જીતીને ઈતિહાસ રચી દીધો છે. આ મેડલ સાથે જ સિંધૂ ઓલિમ્પિક્સમાં બે મેડલ જીતનારી પ્રથમ ભારતીય મહિલા બની ગઈ છે.

પોતાની આ ઐતિહાસિક સફળતા બાદ સિંધૂ હવે વડાપ્રધાન નરેન્દ્ર મોદી સાથે આઈસ્ક્રીમ મજા માણી શકશે. ટોક્યો ઓલિમ્પિક્સમાં જતા પહેલા વડાપ્રધાન મોદીએ સિંધૂને પૂછ્યું હતું કે ઓલિમ્પિક્સની તૈયારીઓના ભાગરૂપે તેને ડાયટ ફોલો કરવું પડે છે તેમાં ખાવાની કઈ પ્રિય વસ્તુ તેને જતી કરવી પડી રહી છે. ત્યારે સિંધૂએ આઈસ્ક્રીમ કહૃાું હતું. ત્યારે વડાપ્રધાને કહૃાું હતું કે જો તે મેડલ જીતીને પાછી ફરશે તો તે તેની સાથે આઈસ્ક્રીમ ખાશે.

ટોક્યોમાં બ્રોન્ઝ જીત્યા બાદ સિંધૂના પિતા પીવી રમને કહૃાું હતું કે, હવે સિંધૂ જ્યારે ટોક્યોથી પાછી ફરશે ત્યારે વડાપ્રધાન મોદી સાથે આઈસક્રીમ ખાશે. તેમણે કહૃાું હતું કે, વડાપ્રધાન મોદીએ સિંધૂનો ઉત્સાહ વધાર્યો હતો. તેમણે કહૃાું હતું કે, તમે ગેમ્સ રમવા જાઓ, પાછા ફર્યા બાદ આપણે આઈસ્ક્રીમ ખાઈશું. તેથી હવે તે વડાપ્રધાન મોદી સાથે આઈસ્ક્રીમ ખાશે.

તેમણે કહૃાું હતું કે, સિંધૂ સળંગ બે ઓલિમ્પિક્સ મેડલ જીતનારી પ્રથમ ભારતીય મહિલા બની તેનો મને ઘણો ગર્વ છે. તેણે દેશનું નામ રોશન કર્યું છે. સિંધૂ ઘણી પ્રતિબદ્ધ છે અને તેનામાં જીતવાની ભૂખ છે. તે પોતાની રમતનો આનંદ માણે છે.

વડાપ્રધાન નરેન્દ્ર મોદીએ પણ સિંધૂને મેડલ જીત્યા બાદ અભિનંદન પાઠવ્યા હતા. વડાપ્રધાન મોદીએ ટ્વિટ કરી હતી કે, પીવી સિંધૂના શાદનાર પ્રદર્શનથી અમે બધા જ ખુશ છીએ. ટોક્યો ઓલિમ્પિક્સમાં બ્રોન્ઝ મેડલ જીતવા માટે અભિનંદન. તે દેશનું ગૌરવ છે અને આપણી શાનદાર ઓલિમ્પિયન છે.