CBSE બોર્ડ પહેલા જ ૧૦ અને ૧૨માની પરીક્ષાની ડેટશીટ પહેલા જ જાહેર કરી છે. ૧૦મા બોર્ડની પરીક્ષાઓ ૪ મે ૨૦૨૧થી ૭ જૂન સુધી ચાલશે. ૧૨મા બોર્ડની પરીક્ષાઓ પણ ૪ મેથી શરૂ થશે અને ૧૧ જૂન સુધી ચાલશે. બોર્ડની પરીક્ષા બે શિટમાં થશે. પ્રથમ શિટ ૧૦.૩૦થી ૧.૩૦ કલાક સુધી જ્યારે બીજી શિટ ૨.૩૦થી ૫.૩૦ કલાક સુધી થશે. ૧૫ જૂલાઈ સુધી પરીક્ષાનું પરિણામ જાહેર થશે.
કોરોનાના વધી રહેલા કેસો વચ્ચે ૪ મેથી શરૂ થતી CBSE બોર્ડ પરીક્ષાઓને રદ કરવાની માંગ કરવામાં આવી રહી છે. છેલ્લા કેટલાક દિવસોથી ટ્વિટર પર બોર્ડ પરીક્ષાઓને લઇ હેશટેગ #cancelboardexams૨૦૨૧,
એક ખાનગી ચેનલ સાથે વાતચીતમાં CBSE બોર્ડના અધિકારી ડો. સંયમ ભારદ્વાજે જણાવ્યું કે સીબીએસઈ બોર્ડની ૧૦મા અને ૧૨માની પરીક્ષાઓ નક્કી કરેલા સમયમાં જ થશે. હાલ બોર્ડે પરીક્ષા શેડ્યૂલમાં ફેરફાર કરવાનો કોઈ નિર્ણય નથી લીધો. કોરોના દરમિયાન સુરક્ષિત વાતાવરણમાં પરીક્ષાઓ યોજવા માટે બોર્ડ અને શાળા તરફથી તૈયારી કરવામાં આવી રહી છે. આટલું જ નહીં વિદ્યાર્થીઓ અને વાલીઓ તરફથી પણ પરીક્ષાઓ યોજવાને લઇને પણ સકારાત્મકતા જોવા મળી છે.
હકીકતમાં ૩ એપ્રિલના રોજ સોશિયલ મીડિયા પર ફેક ડેટશીટ વાયરલ થઇ હતી, જે ખોટી હતી. તેને લઇ બોર્ડે વિદ્યાર્થીઓને સાવચેત રહેવા માટે જણાવ્યું હતું. બોર્ડે વિદ્યાર્થીઓ અને વાલીઓને જણાવ્યું હતું કે સોશિયલ મીડિયા પર પરીક્ષઆઓને લઇ જે ચાલી રહૃાું છે, તેમાં પડવાની જરૂર નથી. બોર્ડે જણાવ્યું હતું કે સોશિયલ મીડિયા પર એક પરીક્ષા કાર્યક્રમ વાયરલ થઇ રહૃાો છે.
