ICICI લોન ફ્રોડ કેસમાં કેન્દ્રિય તપાસ એજન્સી CBI દ્વારા વધુ એક મોટું પગલું લીધું
ICICI લોન ફ્રોડ કેસમાં કેન્દ્રિય તપાસ એજન્સી CBI દ્વારા વધુ એક મોટું પગલું લેવામાં આવ્યું છે. CBIyu ICICI-videocon લોન કેસમાં એક વધુ મોટા માથાની ધરપકડ કરી લીધી છે. આ મોટું માથું એટ્લે બીજું કોઈ નહીં પણ વિડિયોકોનના ચેરમેન વેણુગોપાલ ધૂત. અગાઉ આ કેસમાં ICICI બેંકના પૂર્વ સીઈઓ ચંદા કોચર અને તેમના પતિ દીપક કોચરની CBI દ્વારા ધરપકડ કરવામાં આવી છે. વીડિયોકોન-આઈસીઆઈસીઆઈ બેંક ફ્રોડ કેસમાં સીબીઆઈએ આ ધરપકડ કરી હતી. જણાવી દઈએ કે ICICI બેંકે વીડિયોકોન ગ્રુપને લગભગ ૩,૨૫૦ કરોડ રૂપિયાની લોન આપવામાં કથિત રીતે અનિયમિતતા કરી હતી, જ્યારે આ છેતરિંપડી થઈ ત્યારે ચંદા કોચર બેંકના સીઈઓ હતા. આ કેસમાં એન્ફોર્સમેન્ટ ડિરેક્ટોરેટે ફેબ્રુઆરી ૨૦૧૯માં ફોજદારી કેસ નોંધ્યો હતો. આ અંતર્ગત તેની સામે કાર્યવાહી કરવામાં આવી હતી. ચંદા કોચર પર ભેદભાવ અને વીડિયોકોન જૂથની તરફેણ કરવાનો આરોપ છે. સીબીઆઈએ નુપાવર રિન્યુએબલ્સ, સુપ્રીમ એનર્જી, વિડિયોકોન ઈન્ટરનેશનલ ઈલેક્ટ્રોનિક્સ લિમિટેડ અને વિડિયોકોન ઈન્ડસ્ટ્રીઝ લિમિટેડ સાથે ગુનાહિત કાવતરું અને ભ્રષ્ટાચાર નિવારણ અધિનિયમ સંબંધિત આઈપીસીની કલમો હેઠળ નોંધાયેલી એફઆઈઆરમાં ચંદા કોચર, તેના પતિ અને વીડિયોકોન ગ્રુપના વેણુગોપાલ ધૂતને આરોપી તરીકે નામ આપ્યા છે. તરીકે નોંધવામાં આવી હતી. અધિકારીઓએ જણાવ્યું હતું કે એવો આરોપ છે કે વિડિયોકોનના પ્રમોટર વેણુગોપાલ ધૂતે ૨૦૧૨માં ICICI બેંકમાંથી ૩,૨૫૦ કરોડ રૂપિયાની લોન મેળવ્યા બાદ નુપાવરમાં કથિત રીતે કરોડો રૂપિયાનું રોકાણ કર્યું હતું. સીબીઆઈએ ૨૦૧૯માં એફઆઈઆર નોંધ્યા બાદ એક નિવેદનમાં કહૃાું હતું કે આરોપ છે કે આરોપીઓએ આઈસીઆઈસીઆઈ બેંકને છેતરવાના ગુનાહિત કાવતરામાં ખાનગી કંપનીઓને અમુક લોન મંજૂર કરી હતી. ફોર્બ્સ મેગેઝિનની ’વિશ્ર્વની સૌથી શક્તિશાળી મહિલાઓ’ની યાદીમાં સામેલ ચંદા કોચર ૧૯૮૪માં ICICI બેંકમાં તાલીમાર્થી તરીકે જોડાયા હતા. ૨૦૦૯માં ચંદા કોચરને બેંકના CE અને MD બનાવવામાં આવ્યા હતા.
