વિશ્વ સ્વાસ્થ્ય સંગઠને ચીનથી પ્રાપ્ત કોવિડ ડેટા પર વિશ્વને આપ્યા રાહતના સમાચાર
વિશ્વ સ્વાસ્થ્ય સંગઠને ચીનથી પ્રાપ્ત કોવિડ ડેટા પર વિશ્વને રાહતના સમાચાર આપ્યા છે. WHO એ કહૃાું છે કે ચીનમાં કોરોના વાયરસનો કોઈ નવો વેરિએન્ટ મળ્યો નથી. અગાઉ, વિશ્વને આશંકા હતી કે જો નવો વેરિએન્ટ આવશે તો રસીની અસરકારકતા પણ ઘટી શકે છે. ચાઈનીઝ સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) દ્વારા ચીન સંબંધિત ડેટા WHO ને આપવામાં આવ્યો હતો. તેના એક દિવસ પહેલા WHOના અધિકારીઓ ચીનના વૈજ્ઞાનિકોને મળ્યા હતા. ચીનમાં ઝીરો કોવિડ પોલિસી હળવી કરવામાં આવ્યા બાદ કોરોનાના કેસમાં જબરદસ્ત ઉછાળો આવ્યો હતો. આ કારણોસર સમગ્ર વિશ્વ કોરોનાની નવી લહેરથી ચિંતામાં હતું. હાલમાં કોરોનાના સૌથી વધુ નવા કેસ માત્ર ચીન અને જાપાનમાં જ નોંધાઈ રહૃાા છે. ચીનમાં સ્થિતિ એટલી ખરાબ થઈ ગઈ હતી કે મૃતકોના અંતિમ સંસ્કાર માટે લાંબા સમય સુધી રાહ જોવી પડી હતી. ચીને કોરોના પર જીતનો દાવો કર્યો? શું થશે વિશ્ર્વાસ?.. ચીનની કમ્યુનિસ્ટ પાર્ટીના સત્તાવાર અખબાર ધ પીપલ્સ ડેઈલીએ ચિંતાગ્રસ્ત નાગરિકો માટે COVID-19 પર અંતિમ વિજયનો દાવો કર્યો છે. ચીનમાં કોવિડ પ્રતિબંધોની કડકતાને કારણે લોકોને ભારે મુશ્કેલીનો સામનો કરવો પડી રહૃાો હતો. જેના કારણે ચીનમાં પણ અભૂતપૂર્વ વિરોધ જોવા મળ્યો હતો. દરમિયાન, વિશ્વભરના આરોગ્ય અધિકારીઓ કોરોનાના પ્રકોપને કાબૂમાં લેવા માટે યુદ્ધના ધોરણે કામ કરી રહૃાા છે. મોટાભાગના દૃેશોએ ચીનથી આવતા નાગરિકો માટે RTPCR ટેસ્ટ ફરજિયાત બનાવ્યો છે. જો કે ચીને તેની ટીકા કરી છે. WHO ના ડાયરેક્ટર-જનરલ ટ્રૂડોસ અધાનમ ઘેબ્રેયસસે એક બ્રીફિંગમાં જણાવ્યું હતું કે યુએન એજન્સી હોસ્પિટલમાં દાખલ થવા અને મૃત્યુ અંગે ચીન પાસેથી વધુ ઝડપી અને નિયમિત ડેટા મેળવવાનું ચાલુ રાખી રહી છે. તેમણે કહૃાું કે WHO ચીનના નાગરિકોના જીવનની સુરક્ષાને લઈને ચિંતિત છે. ચીનમાં ગયા મહિને, અત્યંત કડક કોરોના પ્રતિબંધોને અચાનક હટાવવાથી ૧.૪ અબજ લોકોમાં સંક્રમણ ફેલાયું હતું. ચીનમાં લોકોને મળેલી રસી પણ ચેપને રોકવામાં મદદ કરી શકી નથી. ચેપ અંગેના ચીનના સત્તાવાર ડેટામાં ફક્ત તે જ લોકોનો સમાવેશ થાય છે જેમના ફેફસાં અથવા શ્ર્વસન માર્ગના ચેપમાં વાયરસ હોવાનું જણાયું હતું. ઓમિક્રોનના સબવેરિયન્ટ્સ સંક્રમણ ફેલાવવા માટે જવાબદાર?.. WHO ને આપવામાં આવેલ ચાઈનીઝ ડેટા અનુસાર જો માનીએ તો, ચાઈનાના CDC વિશ્લેષણમાં સ્થાનિક રીતે મેળવેલા ચેપમાં Omicron વેરિએન્ટના BA.5.2 અને BF.7 નું વર્ચસ્વ દર્શાવ્યું હતું. ઓમિક્રોન એ તાજેતરના જિનોમ સિક્વન્સિંગ પર આધારિત પ્રબળ પ્રકાર છે. તેના તમામ પ્રકારો સંક્રમણની ગતિમાં સતત વધારો અને ઘટાડો કરી રહૃાા છે. અમેરિકા સહિત ઘણા પશ્ર્ચિમી દૃેશોએ ચીનમાં કોરોના કેસને લઈને જાહેર કરવામાં આવેલા સરકારી ડેટા પર શંકા વ્યક્ત કરી છે. આ દૃેશોનો દાવો છે કે ચીને આજ સુધી વાસ્તવિક આંકડા જાહેર કર્યા નથી.
